Njoftojmë të gjithë qytetarët e Komunës së Podujevës se, nga data 05.09.2026, Komuna e Podujevës, përmes kontraktuesit të saj, do të fillojë fazën e dytë të dezinsektimit të hapësirave të jashtme, si dhe zonave përreth lumenjve Llap, Dumnicë dhe Batllavë.
Dezinsektimi i hapësirave të jashtme bëhet me qëllim të zvogëlimit të numrit të insekteve fluturuese (mushkonjave dhe insekteve të tjera), si masë parandaluese ndaj përhapjes së sëmundjeve infektive, bartës të të cilave mund të jenë insektet e ndryshme.
Dezinsektimi do të fillojë nga data 05.09.2026 deri më 07.09.2026.
Për shkak të kërkesave të shumta të qytetarëve, dezinsektimi i qytetit dhe parqeve do të kryhet më 06.09.2026, duke filluar nga ora 20:00.
Sipas planit, dezinsektimi do të zhvillohet si në vijim:
Më 05.09.2026 – do të bëhet dezinsektimi përreth lumit Llap, në pjesën e qytetit të Podujevës dhe në fshatrat Peran, Bajçinë, Dobërdol, Sekiraçë Gllamnik, Siboc i Epërm dhe Penuhë.
Më 06.09.2026 – do të bëhet dezinsektimi përreth lumit Llap, në Llugë, Lluzhan, Shakovicë dhe Lupç të Poshtëm, si dhe në fshatrat Sfeçël, Dumosh, Siboc i Poshtëm, Bellopojë dhe Batllavë.
Dezinsektimi përreth lumenjve do të fillojë nga ora 08:00, ndërsa dezinsektimi i qytetit, rrugëve, rrugicave dhe parqeve do të fillojë nga ora 20:00.
Gjatë kohës së dezinsektimit në qytet, qytetarët lutën që t’i mbajnë dritaret e mbyllura, në mënyrë që të shmanget futja e insekteve brenda hapësirave të banimit.
Gjithashtu, njoftohen shoqatat e bletarëve dhe pronarët e bletëve që, gjatë ditëve të përcaktuara më lart, të mos i lëshojnë bletët për kullotë dhe t’i mbajnë ato të mbyllura gjatë tërë ditës, sipas datave dhe fshatrave të përcaktuara në planin e dezinsektimit, me qëllim të mbrojtjes dhe sigurisë së tyre.
Numrat kontaktues për informacione:
044 221 641
044 703 087
Ju falënderojmë për bashkëpunimin!
