Në hapësirat e Galerisë së Qytetit, sot u hap ekspozita “PoDuArtColony”, e cila paraqet punimet e artistëve pjesëmarrës në koloninë artistike të organizuar nga profesoresha dhe artistja Dije Bllaca.
Realizimi i kësaj ekspozite u mbështet nga Ministria e Kulturës dhe Turizmit, si dhe nga Komuna e Podujevës.
Në ceremoninë e hapjes morën pjesë nënkryetari i komunës, Fahri Restelica dhe drejtoresha për Kulturë, Rini dhe Sport, Valbona Ibishi Azemi, së bashku me dashamirë të artit.
Me këtë rast, nënkryetari Restelica përgëzoi artistët për veprat e prezantuara, duke vlerësuar punën dhe angazhimin e tyre, si dhe shprehu përkushtimin e Komunës për të qenë pranë komunitetit artistik dhe për të vazhduar mbështetjen ndaj aktiviteteve kulturore.
Ekspozita “PoDuArtColony” do të qëndrojë e hapur gjatë javës së ardhshme në ambientet e galerisë së qytetit.
