U nënshkrua Memorandumi i Mirëkuptimit për projektin "Mbyllja e Deponive Komunale"
Kryetari i komunës së Podujevës z. Agim Veliu sot nënshkroi memorandumin për mbylljen e deponisë së vjetër komunale, e cila gjendet afër Parkut të Paqes.
Memorandumi i Mirëkuptimit për Projektin "Mbyllja e deponive komunale" është një marrëveshje në mes të komunës së Podujevës, Zyrës Ndërlidhëse të Komisionit Evropian dhe Ministrisë së Ambientit dhe Planifikimit Hapësinor.
Qëllimi i këtij memorandumi është krijimi i një platforme për bashkëpunim të ngushtë dhe efikas në mes të partnerëve që kanë nënshkruar në të. Komuna do të zgjidhë të gjitha çështjet ligjore dhe pronësore në lidhje me projektin e mbylljes së deponisë, ZNKE do të financoj, ndërsa MAPH do të ndihmoj dhe monitoroj në realizimin e tij.
Në këtë ceremoni ishin të pranishëm zyrtarë të lartë të MAPH-së Ramiz Arifi dhe Abdulla Pirçe, të cilët biseduan më pastaj me kryetarin Veliu në lidhje me thellimin e bashkëpunimit, ku kryetari Veliu kërkoi nga kjo ministri përkrahje financiare të projekteve të ndryshme për komunën tonë që kanë të bëjnë me mbrojtjen e ambientit. Zyrtarët e ministrisë premtuan mbështetje financiare për projektet e tilla.
Zyra për Informim e komunës së Podujevës
Podujevë, 17.03.2010
Kryetari i komunës së Podujevës z. Agim Veliu sot nënshkroi memorandumin për mbylljen e deponisë së vjetër komunale, e cila gjendet afër Parkut të Paqes.
Memorandumi i Mirëkuptimit për Projektin "Mbyllja e deponive komunale" është një marrëveshje në mes të komunës së Podujevës, Zyrës Ndërlidhëse të Komisionit Evropian dhe Ministrisë së Ambientit dhe Planifikimit Hapësinor.
