Në seancën e rregullt të Kuvendit të Komunës së Podujevës të cilën e kryesoi Kryesuesi i Kuvendit të Komunës z. Hazir Raçi. janë miratuar këto çështje të parapara nga kuvendi
Raporti financiar për vitin 2009, informatë për zgjedhjen e disa drejtorëve të shkollave dhe gjendjen aktuale në shkollën e Zhitisë, si dhe informata për vërshimet në komunë dhe për intervenimet në rastet emergjente.
Seanca e radhës filloj me disa çështje të aprovuara nga këshilltarët komunal,shefat e grupit të këshilltarëve ai nga radhët e LDK-së z. Qefser Sadiku, i PDK-së Kadri Avdiu, ishin në qëndrime diametralisht të kundërt, ndërsa shefi i grupit të LDK-së e arsyetoj në tersi aprovimin e rendit të ditës duke u thirrur edhe në qëndrimet dhe vendimet e Komitetit për Politikë dhe Financa. Ku është dhënë propozimi që raporti financiar, si dhe informatat e tjera të aprovohen ne kuvend.
Shefi i grupit të këshilltarëve të PDK-së u paraqit me një fjalim duke e akuzuar shumicën në kuvend si mos përfillje me interesat e qytetarëve, si dhe të PDK-së si subjekt, si dhe në mos përfshirjen e rendit të punës të disa kërkesave të këtij subjekti siç është propozimi i tyre për ngritje e një këshilli organizativ për 19 Qershorin Ditën e Lirisë së qytetit të Podujevës.
Kryesuesi Hazir Raçi në propozimin e Shefit të Këshilltarëve të PDK-së dha arsyetimin se këtë këshill e ngrit Kryetari i Komunës e jo Kuvendi nga se nuk është kompetencë e kuvendit
Dhe si shenjë revolte ky grup i këshilltarëve i braktisi punimet e seancës.
Raporti financiar,si dhe çështjet që lidhen me shpenzimet buxhetore për vitin 2009 këshilltarët i shqyrtuan në çështjet e tyre që ata diskutuan rreth buxhetit dhe shpenzimeve. Drejtori i DBFPZH dha arsyetimet e nevojshme para këshilltarëve duke i arsyetuar me fakte shpenzimet financiare për vitin 2009m si për shpenzimet kapitale ashtu edhe për shërbime dhe mallra.
Sa i përket çështjes së informatës për gjendjen aktuale të shkollës së Zhitisë pas zgjedhjes së drejtorit , drejtori i DKA-së Nexhmi Rudari tha se janë bërë të gjitha përpjekjet për të tejkaluar këtë gjendje, një grup prindërish të ndikuar pa dyshim nga zgjedhja e drejtorit janë duke i penguar vijimin e nxënësve në shkollë. Ne si DKA kemi bërë një zgjidhje të përkohshme ku kemi siguruar transportin për nxënësit e fshatit Breca deri ne shkollën e Murgullës.
Drejtori tha se është e dhimbshme humbja e orëve te mësimit te nxënieve nga se kjo është shume e vështire qe të kompensohet, si dhe paraqet rrezikshmëri qe ne Zhiti te shpallet ky vit mësimore si një dështim i tërësishëm.
Alternativat tona gjithëher ka qenë që të tejkalohet kjo gjendje
Z. Rudari i informoj këshilltarët edhe për procesin e zgjedhjes së 8 –të drejtorëve ku tha se ky proces po rrjedh komform procedurës ligjore janë evidente në disa shkolla kandidatët që nuk i plotësojnë kushtet dhe kriteret e parapara me ligj në këto shkolla do t’i ndërmarrim veprimet e nevojshme, si dhe zgjedhja e Ushtruesit të drejtorit.
Këshilltarët e kuvendit dhanë mbështetje DKA-së në tejkalimin e kësaj gjendje që është duke ndodhur për keqardhje në shkollën e Zhitisë.
Lidhur me informatën për vërshimet në komunën tonë drejtori i DSHPMSH Faik Muçiqi paraqiti para këshilltarëve një informatë të detajizuar për masat që komuna ka ndërmarr lidhur me këtë gjendje ku këtë vit ka pasur vërshime të mëdha sidomos rreth lumenjve, ku nga vërshimet ka pasur dëme të konsiderueshme në kulturat bujqësore etj.
Më tej z. Muçiqi kërkoj nga këshilltarët që t’i qasen seriozisht çështjeve që kanë të bëjnë me ngushtimin e hapësirave të brigjeve të lumenjve si dhe prrockave nga se si shkak i ngushtimit të tyre janë duke ardhur edhe deri te pasojat e vërshimeve.
Në seancën e rregullt të Kuvendit të Komunës së Podujevës të cilën e kryesoi Kryesuesi i Kuvendit të Komunës z. Hazir Raçi, janë miratuar këto çështje të parapara nga kuvendi:
Raporti financiar për vitin 2009, informatë për zgjedhjen e disa drejtorëve të shkollave dhe gjendjen aktuale në shkollën e Zhitisë, si dhe informata për vërshimet në komunë dhe për intervenimet në rastet emergjente.
