Në Sallën e Kuvendit të komunës së Podujevës u mbajt debati për fazën e katërt dhe të pestë të prezantimit të Planit Zhvillimor Komunal, e udhëhequr nga mbikëqyrësi i projektit inxh. i dipl. Fatmir Uka i caktuar nga komuna e Podujevës. Në këtë debat morën pjesë drejtorë të drejtorive, ekspertë të fushave të ndryshme, si dhe qytetarë të shumtë.Ky debat është një vazhdimësi e debateve tjera lidhur me këtë çështje, prezantimi i të cilit po bëhet nga përfaqësuesit e kompanisë “Datagisconsulting” të cilët paraqitën detajet rreth këtij plani në fusha të ndryshme që kanë të bëjnë me zhvillimin e komunës së Podujevës. Z. Uka tha se kësaj radhe është debatuar për temat “Strategjia e zhvillimit hapësinor” dhe “Dispozitat për zbatim”. Përmes kësaj strategjie do të realizohet vizioni për të ardhmen e Komunës dhe do të arrihen synimet dhe objektivat e parapara gjatë procesit të planifikimit, nënvizoi ai.
Pas prezantimit të këtij plani, u hap debati, ku me vërejtjet e tyre kontribuuan grupet punuese dhe Këshilli i ekspertëve të emëruar nga komuna e Podujevës. Po ashtu debatit ju bashkëngjitën edhe qytetarë të cilët prezantonin në cilësinë e ekspertëve të fushave të ndryshme.
Përfaqësuesit e kompanisë shprehën gatishmërinë që nëpërmes të organeve përgjegjëse komunale të dërgohen vërejtjet me shkrim lidhur me këtë draft.
Kjo strategji do ta ndihmoj Komunën që të bazohet në mënyrë profesionale në zhvillimin ekonomik, social, mjedisor, të infrastrukturës. Po ashtu do të ndikoj në avancimin e administratës komunale, të arsimit dhe shëndetësisë
U debatua për fazën e katërt dhe pestë të Planit Zhvillimor Komunal
