Nën organizim të OSBE-së në Podujevë dje dhe sot është duke u mbajtur një trajnim i grave lidhur me Prezantimin Publik,
Aftësitë Negociuese dhe Udhëheqëse.
Aftësitë Negociuese dhe Udhëheqëse.Në këtë ngjarje të rëndësishme po marrin pjesë këshilltare të Asamblesë Komunale, Njësiti Komunal për të Drejtat e Njeriut, si dhe përfaqësuese tjera në kuadër të institucioneve lokale.
Pjesëmarrëset po trajnohen me metoda të sofistikuara se si duhet të udhëhiqet, negociohet dhe komunikohet në rrethanat e reja që po kalon shteti i Kosovës, si shteti më i ri në Botë. Po ashtu trajnimi po vazhdon edhe për çështjet e mediave dhe prezantimin publik.
Koordinatorja e Njësitit për të Drejtat e Njeriut në komunën e Podujevës znj. Arjeta Podvorica tha se ky trajnim është një rast i mirë që gratë llapjane të pasurohen me aftësi të reja për të qenë një forcë që do të ketë ndikim edhe më të madh në udhëheqje, menaxhim dhe prezantim në kuadër të institucioneve qendrore dhe lokale të Kosovës. Jam e bindur për këtë arritje, sepse sot ekziston një numër i madh i grave që janë kuadro të shkolluara me tituj shkencor nga më të ndryshmit, nënvizoi znj. Podvorica.
Vlen të përmendet se këtë trajnim po e mbanë znj. Arjeta Ajeti, përfaqësuese e OSBE-së.
Trajnim mbi Prezantimin Publik, Aftësitë Negociuese dhe Udhëheqëse
