Komuna e Podujevës ka marrë vendim për vënien në konsultim publik të Draft Programit Trevjeçar të Banimit 2026–2028, dokument që përcakton planifikimin dhe prioritetet në fushën e banimit për periudhën trevjeçare.
Konsultimi publik do të zgjasë 30 ditë, nga 24 shkurt 2026 deri më 24 mars 2026. Gjatë kësaj periudhe, qytetarët, organizatat dhe të gjitha palët e interesuara mund të paraqesin komente, sugjerime dhe vërejtje lidhur me draftin.
Debati i përgjithshëm publik do të mbahet më 11 mars 2026, nga ora 10:00, në ndërtesën e re të Komunës së Podujevës, në sallën e mbledhjeve (kati përdhes).
Komentet mund të dorëzohen:
• gjatë debatit publik,
• me shkrim në Zyrën për Marrëdhënie me Publikun dhe Informim,
• ose në formë elektronike përmes emailit: arbresha.bashota@rks-gov.net, brenda afatit të konsultimit.
Pas shqyrtimit të komenteve të pranuara, vendimi hyn në fuqi 7 ditë pas publikimit në faqen zyrtare të Komunës.
Bashkangjitur gjeni linkun e draftit të dokumentit në web faqen zyrtare: https://podujeve.rks-gov.net/konsultimet-publike/
