Nënkryetari Bahri Thaçi priti komandantin e njësitit LGT Doono Grncab
Nënkryetari i komunës së Podujevës dr Bahri Thaçi priti sot në një takim komandantin e njësitit LGT, nëntogerin Doono Grncab që vepron në kuadër të KFOR-it. Z. Thaçi fillimisht i dëshiroi atij mirëseardhje duke i shprehur falënderim KFOR-it për punën që është duke e bërë në Kosovë, por edhe në komunën e Podujevës dhe për këtë ai iu shprehu mirënjohje të thellë.
Nëntogeri Grncab e informoi nënkryetarin e komunës për vizitën e tyre një javore që janë duke e bërë në komunën e Podujevës në kuadër të operacioneve të tyre të parapara për ruajtjen e sigurisë, i cili po ashtu u interesua për rrjedhat e përgjithshme, e veçanërisht në fushën e sigurisë në komunën e Podujevës.
Nënkryetari Thaçi foli për gjendjen e përgjithshme dhe zhvillimet aktuale në Komunë, dhe në veçanti në aspektin e sigurisë dhe të qetësisë, duke thënë se komuna e Podujevës është njëra nga komunat e Kosovës ku dallohet për sa i përket gjendjes së mirë të sigurisë së qytetarëve të saj..
Nëntogeri Grncab e pyeti nënkryetarin lidhur me gjendjen e mjedisit, i cili më pastaj u shpreh se komuna e Podujevës edhe përkundër disa vështirësive është duke punuar në këtë drejtim, duke e informuar ushtarakun edhe për ditën e 1 prillit. Z. Thaçi tha, se komuna ka marrë një aksion masiv për largimin e mbeturinave nga ambientet publike të komunës së Podujevës, duke u përpjekur që në të ardhmen e afërt kjo gjendje të ndryshoj dukshëm për të mirë. Po ashtu z. Thaqi tha se ne jemi duke punuar edhe në edukimin e nxënësve për të kontribuuar që e ardhmja e tyre të jetë në funksion të ruajtjes së sigurisë dhe mbrojtjes së mjedisit që na rrethon. “Është fat i madh që kryetari i Komunës z. Agim Veliu ka qenë ministër i Arsimit dhe ka përvojë të madhe në aspektin e proceseve edukative-arsimore, i cili do të mund të ndikoj shumë në këtë fushë, duke e pasur parasysh se edhe drejtori i Drejtorisë së Arsimit z. Nexhmi Rudari ka një përvojë të madhe në këtë drejtim”, nënvizoi Bahri Thaçi.
Zyra për Informim e komunës së Podujevës
Podujevë, 16.04.2010
Nënkryetari i komunës së Podujevës dr Bahri Thaçi priti sot në një takim komandantin e njësitit LGT, nëntogerin Doono Grncab që vepron në kuadër të KFOR-it. Z. Thaçi fillimisht i dëshiroi atij mirëseardhje duke i shprehur falënderim KFOR-it për punën që është duke e bërë në Kosovë, por edhe në komunën e Podujevës dhe për këtë ai iu shprehu mirënjohje të thellë.
