Kryetari i Komunës, Shpejtim Bulliqi, mbajti takim me qytetarë, në të cilin prezantoi punën njëveçare të Ekzektivitit. Në këtë raportim, Kryetari prezantoi projektet që janë realizuar gjatë vitit 2025 dhe ato që janë në proces të realizimit.
Ai tha se buxheti i vitit 2025 në vlerë prej 33,459,115.00 euro është shpenzuar mbi 99 për qind.
Ndër projektet kryesore që janë duke u realizuar, Kryetari i Komunës e përmendi ndërtimin e Pishinës Gjysmëolimpike në vlerë rreth 4 milionë euro, Qendrën Rezidenciale për të moshuar në vlerë 2.5 milionë euro, Qendrën Multifunksionale mbi 1 milion euro, Tregun e Gjelbër mbi 1 milion euro, Kuzhinën Qendrore në vlerë 700,000 euro, ndërtimin e Shkollës “Nuhi Gashi” në Bradash dhe Shkollës “Jetullah Gashi” në Dobërdol, dy salla të sporteve, etj.
Kryetari Bulliqi i përmendi projektet e secilës drejtori veç e veç.
Te Drejtori e Urbanizmit ai tha se janë asfaltuar dhjetëra rrugë në qytet e fshatra dhe dhjetëra të tjera janë në proces. Përfshirë edhe rrugët që janë të parapara me memorandumin ne Komunës me Ministrinë e Mjedisit, Planifikimit Hapësinor dhe Infrastrukturës (projekt trevjeçar 2025-2026-2027) bëhet fjalë për 50 km asfalt në vlerë mbi 9 milionë euro.
Te Shërbimet Publike, ai përmendi kolektorin e ujërave të zeza, ndërtimin e urave, ndriçimin publik, rrugët me kubëza, etj;
Projektet në kulturë: ndërtimi i aneksit dhe rinovimi i Teatrit “Avdush Hasani”, ndërtimi i terreneve sportive, etj;
Në shëndetësi: investime në infrastrukturë, blerja e pajisjeve dhe furnizimi me barna e material shpenzues, subvencionimi i 991 qytetarëve (mbulimi i shpenzimeve për barna për ata që kanë sëmundje kronike), subvencioni i OJQ-ve si Hendikosi, Autizmi, dhe OFAP, etj;
Në bujqësi: dhënia e subvencioneve për fermerë-pagesa direkte, mekanizëm bujqësor, furnizim me fidanë të mjedrës e feferonave dhe është në proces dhënia e 162 mëshqerrave, etj;
Në arsim: ndërtimi i çerdheve, projekti me masa efiçiente në 4 shkolla në vlerë prej 698 mijë e 728.80 euro, furnizimi me kabinete të informatikës dhe atyre të shkencave natyrore, bursa për studentë, etj;
Zhvillim ekonomik: mbështetja e bizneseve ekzistuese dhe startup-eve me pajisje pune, rregullimi i hapësirave publike në fshatrat Kerpimeh, Sfeçël, Llapashticë dhe Dumnicë, etj;
Kryetari përmendi edhe shumë projekte e punë që janë kryer në Administratë, Inspeksion, Buxhet dhe Financa, Pronë, Kadastër dhe Gjeodezi.
Pas prezantimit të raportit, Kryetari Bulliqi hapi diskutimin me qytetarë, të cilët paraqitën kërkesat e tyre dhe për të cilat morën përgjigje nga Kryetari.
