Kryetari i Komunës, Shpejtim Bulliqi, inspektoi punimet që janë duke u zhvilluar në ndërtimin e objektit të shkollës në fshatin Dobërdol dhe rinovimin e objektit për çerdhe.
Ai tha se edhe fëmijët e këtij fshati do të kenë kushte shumë më të mira për mësim e edukim.
“I pashë nga afër punimet të cilat po zhvillohen me ritëm të mirë dhe nxënësit e fëmijët e këtij fshati do të kenë kushte moderne dhe dinjitoze për mësim, edukim dhe zhvillim”, theksoi Bulliqi.
Gjatë kësaj vizite i pranishëm ishte edhe drejtori për Arsim, Avni Fetahu.
Objekti i ri i Shkollës “Jetullah Gashi” në Dobërdol ndërtohet me buxhet komunal në vlerë prej 664,995.24 euro dhe ka një sipërfaqe prej 1,440 m², që do të përfshijë 9 klasa dhe një sallë për arsimtarë.
Ndërsa, ish-objekti i QMF-së në këtë fshat do të shndërrohet në çerdhe për fëmijët e kësaj ane.
