Kryetari i komunës së Podujevës Agim Veliu i shoqëruar nga drejtori i Drejtorisë së Arsimit Nexhmi
Rudari janë kthyer nga Franca, ku kanë qenë në një vizitë 4 ditore atje. Delegacioni i ynë ka marrë pjesë në Konferencën e 6-të Evropiane me temën “Qytetet e Qëndrueshme Evropiane” e mbajtur në qytetin Dunkerk të Francës. Konferenca ka filluar punimet më 18 maj dhe ka vazhduar deri më 21 maj.
Rudari janë kthyer nga Franca, ku kanë qenë në një vizitë 4 ditore atje. Delegacioni i ynë ka marrë pjesë në Konferencën e 6-të Evropiane me temën “Qytetet e Qëndrueshme Evropiane” e mbajtur në qytetin Dunkerk të Francës. Konferenca ka filluar punimet më 18 maj dhe ka vazhduar deri më 21 maj.Z. Rudari tha se në ketë konferencë kanë marrë pjesë mbi 1000 pjesëmarrës nga i gjithë kontinenti i ynë, në të cilën kanë ligjëruar emra të njohur nga Evropa, Kanadaja dhe SHBA. Mikpritës dhe organizator i kësaj konference ishte kryetari i qytetit Dunkerk z. Michele Delabare, ndërsa si mysafir i veçante i kësaj konference ishte edhe ish kryeministri i Francës z. Allen Zhype, nënvizoi z. Rudari.
Konferenca është mbajtur ne seanca plenare dhe ne sesione pune me tema prej më të ndryshmeve siç ishin:
– Ku po shkojnë qytetet evropiane
– ndryshimet klimatike , kriza ekonomike, dhe sfidat sociale
– kthimi i sfidave ne zgjidhje
– qeverisja dhe menaxhimi i qyteteve të qëndrueshme
– shoqëritë inkluzive
– fuqizimi i komuniteteve lokale
– konsumi i përgjegjshëm dhe zvogëlimi i mbeturinave
– energjia e ripërtritshme
– planifikimi urban
– trajtimi dhe riciklimi i mbeturinave dhe shfrytëzimi i tyre për energji alternative.
Gjatë konferencës janë organizuar edhe dy ngjarje te rëndësishme: Takimi i kryetarëve të komunave në të cilat mori pjesë edhe kryetari i komunës së Podujevës z. Agim Veliu, dhe nënshkrimi i Deklaratës së Përkushtimit të Alborgut nga te gjithë kryetarët e qyteteve evropiane. Kjo deklarate është një dokument koncesual për aksion të përbashkët të qeverive lokale për të punuar së basku në tërë Evropën. I njëjti dokument ishte nënshkruar edhe në qershor të vitit 2004 në qytetin suedez Alborg, e ku një ndër nënshkruesit e kësaj deklarate ishte edhe kryetari i atëhershëm dhe i tashëm i komunës së Podujevës z. Agim Veliu.
Konferenca ka mbyllur punimet më 21 maj 2010 dhe u cilësua nga kryetari Veliu mjaft e suksesshme, si nga numri i madh i pjesëmarrësve, po ashtu edhe për nga obligimet e marra në krijimin e qyteteve te qëndrueshme evropiane.
Kryetari Agim Veliu u kthye nga vizita zyrtare që e bëri në Francë
