Komiteti për Politikë dhe Financa (KPF) i Kuvendit Komunal sot ka mbajtur mbledhjen e radhës, të udhëhequr nga kryesuesi Isak Shabani.
Para fillimit të shqyrtimit të pikave të rendit të ditës, drejtoresha e Drejtorisë për Shëndetësi dhe Mirëqenie Sociale, Lirie Hoti, propozoi që rendit të ditës t’i shtohet edhe një pikë: “Draft Programi Trevjeçar i Banimit 2026-2028”. Kjo pikë mori mbështetje nga anëtarët e Komitetit dhe si e tillë u përfshi në rend dite si pikë e gjashtë.
Gjatë mbledhjes janë shqyrtuar të gjitha pikat e rendit të ditës dhe të njëjtat janë rekomanduar për shqyrtim dhe miratim në mbledhjen e Kuvendit të Komunës, e cila do të mbahet nesër, më 23.04.2026, nga orën 10:00, në sallën e Kuvendit Komunal.
Pikat e rendit të ditës të rekomanduara janë:
1. Procesverbali nga mbledhja e Komitetit për Politikë dhe Financa, e mbajtur më 30 mars 2026;
2. Propozim-Plani i Punës së Kuvendit të Komunës për vitin 2026;
3. Raporti financiar për periudhën janar – mars 2026;
4. Propozim-vendimi për shtim të buxhetit dhe krijimin e një kodi të ri – Projekti “Furnizim me mëshqerra”;
5. Propozim-vendimi për shtim të buxhetit dhe krijimin e një kodi të ri – Projekti “Furnizimi dhe montimi i serrave”;
6. Draft-Programi Trevjeçar i Banimit 2026-2028.
