Komiteti për Politikë dhe Financa (KPF) i Kuvendit Komunal të Podujevës sot mbajti mbledhjen e radhës, të udhëhequr nga kryesuesi i Kuvendit, Isak Shabani.
Gjatë mbledhjes, anëtarët e Komitetit shqyrtuan pikat e parapara në rendin e ditës, të cilat, pas diskutimeve, u rekomanduan për shqyrtim dhe miratim në mbledhjen e ardhshme të Kuvendit të Komunës, e cila do të mbahet më 30.07.2026, nga ora 10:00, në sallën e Kuvendit Komunal.
Pikat e rendit të ditës të rekomanduara janë:
1. Procesverbali nga mbledhja e Komitetit për Politikë dhe Financa e mbajtur më 26.06.2026;
2. Raportim i Kryetarit të Komunës lidhur me realizimin e projekteve në gjashtëmujorin e parë të vitit 2026;
3. Raporti Financiar i Komunës së Podujevës për periudhën janar – qershor 2026;
4. Raporti i monitorimit të kontratave për dhënien në shfrytëzim të pronës së paluajtshme të Komunës për periudhën janar – qershor 2026;
5. Propozim-vendimi për shpalljen në interes të përgjithshëm publik të njësisë kadastrale P-71712062-00244-4, me sipërfaqe 495 m², në Zonën Kadastrale Podujevë, me qëllim të realizimit të projektit “Ndërtimi i Qendrës Multifunksionale”;
6. Propozim Plani Komunal për Riintegrimin e Qëndrueshëm të Personave të Riatdhesuar dhe Integrimin e të Huajve në Komunën e Podujevës 2026–2028, si dhe Raporti i diskutimit publik për këtë dokument.
