Komiteti për Komunitete mbajti sot mbledhjen e rregullt, e cila u udhëhoq nga Kryesuesi i Komitetit, Xhafer Ademi. Në fillim të mbledhjes u miratua procesverbali i mbledhjes së mbajtur më 8 maj 2025.
Drejtori i Shërbimeve Publike, Mbrojtje dhe Shpëtim, Bahri Selimi, prezantoi informatë lidhur me realizimin e projekteve për komunitetet jo shumicë. Ai theksoi dy projekte kryesore që do të realizohen me prioritet në zonat ku jetojnë këto komunitete: rregullimin e rrjetit të ujësjellësit në lagjen “Ali Ajeti” dhe ndërtimin e rrjetit të kanalizimit në lagjen “Xhafer Meta”.
Kryesuesi i Komitetit për Komunitete, Xhafer Ademi, dhe udhëheqësi i Zyrës Komunale për Komunitete dhe Kthim, Liman Zeqiri, prezantuan informatën për vizitat e realizuara në shkollat fillore të mesme të ulëta “Shaban Shala” dhe “Naim Frashëri” në qytet, ku mësimin e ndjekin edhe nxënës nga komunitetet jo shumicë.
Në pikën “Të ndryshme” u diskutua edhe projekti i propozuar nga Radio Vizioni për transmetimin e një programi të dedikuar komuniteteve jo shumicë.
