Komiteti për Komunitete mbajti sot mbledhjen e rregullt, të cilën e udhëhoqi Kryesuesi i Komitetit, Xhafer Ademi. Në fillim të mbledhjes u miratuan procesverbalet e mbledhjes të mbajtura më 9 qershor 2025, dhe 4 korrik 2025.
Gjatë kësaj mbledhje u bë shqyrtimi i realizimit të Planit të Punës së Komitetit për Komunitete për gjashtëmujorin e parë të vitit dhe koordinimi i veprimeve për periudhën vijuese të këtij viti mes kryesuesit dhe anëtarëve të Komitetit.
Ndërsa, udhëheqësi i Zyrës Komunale për Komunitete dhe Kthim – ZKKK, Liman Zeqiri i informoi të pranishmit lidhur më Memorandumin e Mirëkuptimit në mes Komunës së Podujevës dhe Organizatës Ndërkombëtare për Migrim IOM për vazhdimin e projekteve për Kkomunitetin joshumicë në Komunën e Podujevës.
Zeqiri prezantoi projektet dhe përfitimet e komunitetit në kuadër të marrëveshjes të cilat ishin shumë të mirëseardhura për ta.
Në këtë takim morën pjesë përfaqësues të komuniteteve, zyrtarë komunalë, përfaqësues të KFOR-it, Policisë së Kosovës dhe të misionit të OSBE-së.
