Java e Kuvendit” të Republikës së Kosovës u mbajt sot në komunën e Podujevës
Në vazhdën e aktiviteteve “Java e Kuvendit” kryetari Kuvendit të Kosovës Jakup Krasniqi i shoqëruar nga anëtarë të Kryesisë dhe deputet të Kuvendit mbajtën takimin me strukturat udhëheqëse komunale si dhe me qytetarë në komunës së Podujevës.
Takimin e ka hapur dhe drejtuar kryetari i komunës së Podujevës z. Agim Veliu.
Kryetari i komunës z. Agim Veliu ka paraqitur një rezyme para kryeparlametarit të Kosovës për rrjedhat e zhvillimit në këtë komunë, që nga themelimi i kuvendit të parë demokratik në kontunitetet e udhëheqjes për të arriturat në angazhimet, sfidat si dhe preokupimet e tjera në këtë proces. Realizimi i projekteve që kanë ndikuar drejtpërsëdrejti në cilësinë e jetës së qytetarëve, si dhe ofrimi i shërbimeve për qytetarët është prioritet i prioriteteve shtoj me tej z. Veliu. Duke thëne se ne kërkojmë nga ana e Kuvendit të Kosovës angazhim në mbështetje të pushtetit lokal. Kjo duhet të kuptuar si përgjegjësi dhe kompetencë institucionale për nevojat zhvillimore që ka komuna. Andaj nevojitet ende angazhim shtesë nga institucionet qendrore për t’i përballuar me sukses nevojat e qytetarëve në rrugën i zhvillimit sa më të hovshëm të komunës së Podujevës, tha ndër të tjera z. Veliu.
Kryetari i Kuvendit të Kosovës Jakup Krasniqi, fillimisht foli rreth punës së Kuvendit dhe përgjegjësitë që ka Kuvendi në miratimin e ligjeve dhe zbatueshmërinë e tyre . Ai para të pranishmëve tha se as vet nuk jemi aq të kënaqur ma atë që kemi arritur deri më tani, por me gjithat ky popull asnjëherë nuk ka pasur perspektivë më të mirë se sa tash e 10 vjet. Ai tha se “sot jemi më mirë se dje e nesër do të jemi më mirë se sot”.
Dr. Sabri Hamiti ka lavdëruar punën e mirë që po e bën Agim Veliu si kryetar. Prandaj konsideroj si një rast të mirë dhe përparësi për Komunën, sepse z. Veliu ka përvojë të madhe si në Ekzekutiv, po ashtu edhe në legjislativ. Këtu kemi të bëjmë me dy nivele që kanë diçka të përbashkët, sepse si deputeti, po ashtu edhe kryetari i Komunës janë zgjedhur drejtpërdrejt me vota të popullit, tha mes tjerash z. Hamiti.
Një nga çështjet e preokupimit të këshilltarëve të kuvendit, si dhe e të gjithë qytetarëve ishte edhe autostrada Vërrnicë- Merdar. Që këtë çështje zyrtarët e lartë dhe ministri i Transportit dhe Post-Telekomit po shkakton konfuzitet te banorët e komunës sonë duke thënë se autostrada do të shkon vetëm deri në Besi. Që kjo nuk do të jetë autostradë pa u përfshi komuna e Podujevës me pikën e Merdarit.
Qytetarët e komunës së Podujevës kanë adresuar një varg kritikash ndaj kuvendarëve të Kosovës, duke i akuzuar se nuk po luftojnë korrupsioni, po bëjnë diskriminim në ndarje e Buxhetit të Kosovës, duke u përqendrua në ndonjë rajon të Kosovës, për këtë komuna e Podujevës ka vërejtje nga se pozita e saj dhe shtrirja me brezin kufitar është 93 km dhe është dashtë të ketë buxhet me të avancuare për këtë komunë. Shqetësuese për qytetarët ishte edhe punësim në bazë të rajoneve, nuk po merren me pozitën e pensionistëve, e kanë shkatërruar procesin e privatizimit, si dhe një varg shqetësimesh të ndryshme për jetën e tyre, për të ardhmen e komunave dhe të Kosovës.
Në vazhdën e aktiviteteve “Java e Kuvendit” kryetari Kuvendit të Kosovës Jakup Krasniqi i shoqëruar nga anëtarë të Kryesisë dhe deputet të Kuvendit mbajtën takimin me strukturat udhëheqëse komunale, si dhe me qytetarë në komunës së Podujevës.
