U prezantua Faza e parë e Planit Zhvillimor Komunal
Në Sallën e Kuvendit të komunës së Podujevës u mbajt faza e parë e prezantimit të Planit Zhvillimor Komunal, e udhëhequr nga mbikëqyrësi i projektit Fatmir Uka i caktuar nga komuna e Podujevës. Në këtë debat ishte prezent kryetari i komunës së Podujevës z. Agim Veliu dhe përfaqësues të tjerë të udhëheqjes komunale.
Prezantimi i fazës së parë të këtij plani u bë nga përfaqësuesit e kompanisë “Datagisconsulting” të cilët paraqitën detajet rreth këtij plani në fusha të ndryshme që kanë të bëjnë me zhvillimin e komunës së Podujevës.
Z. Veliu falënderoi kompaninë për këtë punë të çmueshme, duke iu thënë atyre se ne do ta shqyrtojmë me kujdes këtë draft të Planit Zhvillimor Komunal, për të parë se a duhet të ndryshohet diçka. Kryetari Veliu u shpreh se ky Plan nuk duhet të mbetet vetëm letër, por të jetë i zbatueshëm.
Pas prezantimit të këtij plani, u hap debati, ku me vërejtjet e tyre kontribuuan grupet punuese dhe Këshilli i ekspertëve të emëruar nga komuna e Podujevës. Po ashtu debatit ju bashkëngjitën edhe përfaqësues të Ministrisë së Ambientit dhe Planifikimit Hapësinor, si dhe qytetarë të cilët prezantonin në cilësinë e ekspertëve të fushave të ndryshme.
Përfaqësuesit e kompanisë shprehën gatishmërinë që nëpërmes të organeve përgjegjëse komunale të dërgojnë te ne vërejtjet me shkrim lidhur me këtë draft.
Postuar me datë:09-02-2010
Në Sallën e Kuvendit të komunës së Podujevës u mbajt faza e parë e prezantimit të Planit Zhvillimor Komunal, e udhëhequr nga mbikëqyrësi i projektit Fatmir Uka i caktuar nga komuna e Podujevës. Në këtë debat ishte prezent kryetari i komunës së Podujevës z. Agim Veliu dhe përfaqësues të tjerë të udhëheqjes komunale.
