Familjaret e personave të zhdukur nga komuna e Podujevës u takuan me familjaret e personave të zhdukur të komunën së Mitrovicës.
Shoqata për persona të zhdukur dhe viktima të luftës ‘Përkorë” në Podujevë ka organizuar një vizitë në shoqatën për persona të zhdukur “Zëri i prindërve” në Mitrovicë. Në këtë takim familjaret e të dy komunave patën rastin që në mes veti t’i paraqesin dhimbjen, preokupimet e këtyre familjeve për më të dashurit e tyre tash e 11 vjet.
Sekretarja e shoqatës “Zëri i prindërve” në Mitrovicë znj. Xhyla Haziri iu uroi mirëseardhje grave llapjane dhe e cilësoj këtë takim si lidhje miqësie. Ajo i paraqiti shqetësimet e kësaj komune rreth të pa gjeturve, por me një shpresë të madhe se ata një ditë do t’i kthejnë në familjet e tyre.
Gjatë këtij takimi u dëgjuan rrëfime nga familjaret për raste të ndryshme të kidnapimeve dhe zhdukjeve nga ushtria dhe policia serbe.
Në emër të familjareve të komunës së Podujevës foli Habibe Musa (e cila e kishte pas motrën dhe vajzën e axhës të zhdukur,por në vitin 2004 e kishte gjetur motrën kurse vajzën e axhës në vitin 2009) i falënderoi znj. Hazir për pritjen që ua bëri dhe tha se ne konsiderojmë se takimet e tilla sa do pak do të ndikojnë pozitivisht në aspektin psikologji tek . znj Musa shfrytëzoj rastin t’i falënderoj donatorin e kësaj vizite Komitetin Ndërkombëtar të Kryqit të Kuq për këtë gjest aq human.
Shpresojmë që në një të ardhme të afërt do tua bëjmë edhe një vizitë familjareve të komunës së Gjakovës.
Pas kësaj vizite në Mitrovicë, shumë shpjet do të organizojmë edhe një tjetër në komunën e Gjakovës tha Latif Mehmeti SHPZHVL “Përkor” në Podujevë.
Shoqata për persona të zhdukur dhe viktima të luftës ‘Përkorë” në Podujevë ka organizuar një vizitë në shoqatën për persona të zhdukur “Zëri i prindërve” në Mitrovicë
