Ky aktivitet synon t’i promovojë profesionet teknike dhe shkencat natyrore tek vajzat, meqë këto ofrojnë mundësi të mira punësimi. Fatkeqësisht këto profesione cilësohen prej shumë njerëzve edhe me tutje si profesione meshkujsh.
Një iniciativë e filluar më parë mes Ministrisë së Arsimit, Shkencës dhe Teknologjisë dhe GTZ-së gjermane, për shënimin e ditës së vajzave filloi me projektin ‘’Ripërtëritja e Arsimit dhe Aftësimit Porfesional në Kosovë’’, këto përvoja janë bartur me sukses edhe në Komunën e Podujevës dhe tashmë po bëhen tradicionale.
Shefi i sektorit të arsimit Xhevat LLugaliu, tha se ‘’Kjo ishte një ditë ku, këto vajza mbajtën praktikë një ditore në disa biznese të Komunës si në Fabrika e armaturës ‘’Fan’’, fabrika e lëngjeve ‘’Laberion’’, fabrika e përpunimit të drurit ‘’Galanteria’’ dhe në disa autoservise dhe qendra të kontrollimit teknik, në mënyrë qe edhe gjinia femërore ta zgjerojë spektrin e interesimit dhe të mundësive të karrierës në këto lëmi’’ tha ndër tjera shefi i sektorit të arsimit Xhevat LLugaliu.
Dita e vajzave është një aktivitet i përbashkët i Ministrisë së Arsimit Shkencës dhe Teknologjisë dhe Organizata Qeveritar Gjermane për Bashkëpunim Teknik (GTZ) me projektin e saj rajonal “Disenjimi i drejtimit të të rinjve të Ballkanit Perëndimor në Profesion”.
