Komuna e Podujevës njofton të gjithë qytetarët se, në kuadër të procesit të hartimit të Projekt-Buxhetit për vitin 2027, do të organizojë shtatë dëgjime publike, me qëllim të përfshirjes së qytetarëve në planifikimin e projekteve dhe prioriteteve të komunës.
Nga gjithsej shtatë dëgjime, pesë do të mbahen në lokalitete të ndryshme: Kërpimeh, Lluzhan, Orllan, Gllamnik dhe Sfeçël, ndërsa dy dëgjime do të organizohen në Sallën e Kuvendit Komunal në Podujevë.
Dëgjimet publike do të mbahen në periudhën 20–28 gusht 2026, duke filluar çdo ditë nga ora 18:00, sipas kalendarit të publikuar.
Ftojmë të gjithë qytetarët, përfaqësuesit e bashkësive lokale, bizneset, organizatat e shoqërisë civile dhe grupet e interesit që të marrin pjesë aktive në këto dëgjime, të paraqesin kërkesat, propozimet dhe sugjerimet e tyre për investime dhe projekte që i konsiderojnë të rëndësishme për komunitetin.
Pjesëmarrja juaj është thelbësore për hartimin e një buxheti sa më të mirëplanifikuar, gjithëpërfshirës dhe në përputhje me nevojat reale të qytetarëve të Komunës së Podujevës.
