Kryetari Velu e konsideroj shumë të fuqishëm këtë formë të bashkëpunimit dhe shprehi gatishmërinë që edhe në të ardhmen të bashkëpunoj me Doganat e Kosovës për projekte të tilla që është në të mirën e qytetarëve. Ai tha se “Ky projekt është shumë i qëlluar se banoret e këtyre fshatrave, si dhe pika doganore që është në afërsi të kufirit kanë pasur probleme të mëdha në mungesë të ujit të pijshëm, duke e ditur se edhe puset e tyre ekzistuese kanë qenë të thella dhe me sasi të vogël të ujit” tha ndër të tjera kryetari Veliu.
Këto ditë në komunën e Podujevës, pritet të fillojnë punimet në Projektin e ujësjellësit, nga qyteti i Podujevës deri në pikën kufitare në Merdar. Në këtë rrjet do të kyçen mbi 270 shtëpi, si dhe institucioni i Doganës që gjendet në këtë pjesë.
Në këtë projekt Dogana e Kosovës ka participuar me 60 mijë euro kurse pjesën tjetër të participimit e ka bërë komuna dhe komuniteti i këtyre fshatrave.
Drejtori i DSHPMSH Faik Muçiqi tha se tani jemi në vlugun e punimeve ku ne jemi në përzgjedhjen e punëkryesëve për Ujësjellësin e fshatit Letanc dhe së shpejti do të fillojmë procedurat e tenderimit për Ujësjellësin edhe në Dunicë e Poshtme.
Kryetari i komunës së Podujevës z. Agim Veliu, si dhe UD Valdete Krasniqi drejtore e Departamentit për Financa dhe Sisteme në Doganën e Kosovës, sot nënshkruan marrëveshjen për bashkëpunim financiar të Projektit të ujësjellësit Shtedim-Livadicë-Mirofcë-Merdar (Doganë)
