Në kuadër të aktiviteteve të fushatës “Muaji i Mundësive të Barabarta për Personat me Nevoja të Veçanta”, sot u mbajt një takim informues i organizuar nga Njësiti për të Drejtat e Njeriut i Komunës së Poduijevës. Takimi u udhëhoq nga udhëheqësi i njësitit, Ahmet Ahmeti, në bashkëpunim me përfaqësuesin e Shoqatës HANDIKOS – Podujevë, Idriz Hoxha.
Qëllimi i takimit ishte që personat me nevoja të veçanta të njihen me hapësirat komunale dhe shërbimet që ofrohen brenda Administratës së Komunës së Podujevës. Gjatë diskutimit, Ahmeti foli gjerësisht për përkushtimin e Komunës në mbështetjen e kësaj kategorie, duke theksuar rëndësinë që ata të ndihen të barabartë, të respektuar dhe të trajtuar me dinjitet në secilën zyrë dhe shërbim komunal.
Në bazë të vendimit të Kryetarit të Komunës, Shpejtim Bulliqi, secilit pjesëmarrës të sotëm që ishin të përzgjedhur nga Shoqata HANDIKOS iu dha nga një mëditje, për të vlerësuar kontributin dhe pjesëmarrjen aktive të tyre.
