Në kuadër të aktiviteteve të Javës së Vajzave në Teknologjinë e Informacionit dhe Komunikimit (TIK), Nënkryetarja e Komunës, Marigona Lahu, vizitoi Shkollën Fillore dhe të Mesme të Ulët “Shaban Shala”, ku vajzat e Klubit të TIK-ut kishin përgatitur një aktivitet të veçantë.
Përveç performancës me robot, vajzat e Klubit kishin përgatitur disa thënie motivuese që përçonin mesazhe të fuqishme për guxim, kreativitet dhe të ardhme digjitale për të gjithë.
Nënkryetarja Lahu u shpreh e lumtur për aftësitë dhe përkushtimin që treguan vajzat e Klubit të TIK-ut.
“Besoj fuqishëm se kur i japim vajzave mundësi të barabarta për zhvillim, ne ndërtojmë një të ardhme më të fortë për të gjithë. Do të vazhdoj të jem zë dhe mbështetje për çdo iniciativë që fuqizon vajzat tona dhe hap rrugë për suksesin e tyre. Vajzat tona, fuqia jonë në teknologji!”, theksoi Nënkryetarja Lahu.
Ajo tha se në bashkëpunim me “Jcoders” të mërkurën kanë mbështetur pjesëmarrjen e 20 vajzave të shkollave të Podujevës në një vizitë edukative, ku ato patën mundësinë të eksplorojnë botën e programimit dhe inovacionit teknologjik.
