Sot kryetari i Komunës së Podujevës z. Agim Veliu nënshkroi marrëveshjen e mirëkuptimit për ndarjen e Grandeve nga Banka Botërore
MAPL dhe Banka Botërore ndihmojë komunat me paisje të teknologjisë Informative
Ministria e Administrimit të Pushtetit Lokal në bashkëpunim me bankën Botërore sot dorëzoi për komunat e Republikës së Kosovës Grandin për TI.
Në këtë ceremoni morën pjesë ministri i Administrimit të Pushtetit Lokal z. Sadri Ferati, përfaqësues të Bankës Botërore dhe kryetarë të komunave
Për ndërtimin e një administrate moderne dhe profesionale MAPL-ja është duke marrë hapa konkret në ngritjen e infrastrukturës së Teknologjisë Informative dhe Komunikuese (TIK), dhe është shumë e përkushtuar për avancimin e qeverisjes lokale, si dhe për një shërbim efikas dhe më afër qytetarit.
Këto pajisje të Teknologjisë iu dorëzuan komunave të cilat janë përzgjedhur në grupin e ngushtë të komunave përftuese si shenjë mirënjohje për bashkëpunim efektiv që kanë treguar në funksionalizimin e sistemit “ Softueri për bashkëpunimin e zyrave për shërbim të qytetarëve me portalin ministror dhe atë qeveritar”
Përfitues të këtij Grandi në mesin e 16 komunave është edhe komuna e Podujevës.
Komuna e Podujevës është mirënjohëse që është përfituese e disa grandeve qeveritare të financuara nga Banka Botërore.
Në këtë ceremoni të ndarjes së grandeve komuna e Podujevës përfitoi 7 kompjuter të avancuar, një printer të rrjetit, një kino-projektor dhe një Laptop.
Përfaqësuesit e Bankës Botërore u zotuan se nuk do të jetë ky Grandi i fundit, por kjo do të jetë në vazhdimësi për ato komuna të cilat do të tregojnë rezultate në Teknologjinë Informative.
Menaxheri i Teknologjisë Informative Rrahim Berisha tha se duke ju faleminderue donacioneve të Bankës Botrore, UNDP, SOROS, KFOS, MAPL, MAP, si dhe nga vet buxheti i komunës, është siguruar një infrastrukturë e Teknologjisë Informative e nivelit të knaqshëm. Tani janë krijuar mundësitë për një administrim elektronik të avancuar si për administratë komunale po ashtu edhe për vet qytetarin.
MAPL dhe Banka Botërore ndihmojë komunat me paisje të teknologjisë Informative
