Kryetari i komunës së Podujevës Agim Veliu priti sot delegacionin e Mançesterit të Anglisë,
përkatësisht përfaqësuesit e organizatës MAK, të cilët kanë ardhur edhe këtë vit për të vazhduar ndihmën e tyre për komunën e Podujevës. Në këtë takim ishin prezent edhe drejtori i Drejtorisë së Arsimit Nexhmi Rudari dhe drejtori i Drejtorisë për Urbanizëm Mehmet Gashi.
përkatësisht përfaqësuesit e organizatës MAK, të cilët kanë ardhur edhe këtë vit për të vazhduar ndihmën e tyre për komunën e Podujevës. Në këtë takim ishin prezent edhe drejtori i Drejtorisë së Arsimit Nexhmi Rudari dhe drejtori i Drejtorisë për Urbanizëm Mehmet Gashi.Z. Veliu i falënderoi mysafirët nga Anglia për ndihmën që janë duke e bërë për komunën e Podujevës, e në veçanti për ndërtimin dhe gjelbërimin e Parkut të Paqes. Z. Veliu
i falënderoi ata edhe për gatishmërinë e dhurimit të 120 kompjuterëve për tri shkollat e mesme të komunës së Podujevës. “Ne jemi të gatshëm të bashkëpunojmë për këto projekte, sepse kjo është në të mirë të komunës sonë. Këtë vit i kemi mundësitë më të kufizuara për shkak të buxhetit të programuar për këtë vit, ndërsa për vitin e ardhshëm kemi mundësi më të mëdha, sepse mund të planifikojmë me kohë shuma të nevojshme për këtë qëllim. Ne për këtë vit kemi planifikuar të investojmë në ambientet e Parkut të qytetit, Sheshit të Qytetit afër Postës, si dhe në disa ambiente tjera të qytetit”, tha mes tjerash z. Veliu.
Përfaqësuesit e MAK-ut e informuan kryetarin Veliu se kanë planifikuar që deri në vitin e ardhshëm të përfundojnë me projektin e Parkut të Paqes, për të vazhduar më tej edhe me projekte tjera për të ndihmuar kështu komunën e Podujevës.
Më pas delegacioni i MAK-ut në shoqërimin e drejtorit të Drejtorisë së Arsimit Nexhmi Rudari kanë vizituar kabinetet e informatikës në të tri shkollat e mesme të Podujevës për tu njohur më për së afërmi lidhur me kushtet dhe mundësitë për vendosjen e kompjuterëve të dhuruar. Po ashtu ata kanë informuar edhe për organizimin dhe mbajtjen e një trajnimi dhjetë ditor nga ana e tyre të 40 mësimdhënësve për mirëmbajtjen e kompjuterëve dhe të rrjetit kompjuterik.
MAK-u i Anglisë është duke e ndihmuar komunën e Podujevës që nga paslufta e këtej. Ata janë përkujdesur për të ndihmuar familjet Bogujevci dhe Duriqi, si familje që kanë qenë viktima të masakrës serbe gjatë luftës së fundit. Disa nga fëmijët e këtyre familjeve i kanë strehuar në Angli, duke ua financuar studimet. Ndërsa projekti Parku i Paqes është një simbolikë që buron nga tragjedia e këtyre familjeve, si dhe e familjeve tjera që kanë pësuar nga lufta e fundit në Kosovë për të sjellë këtu liri, paqe dhe lumturi. MAK-u ka mbështetur edhe artistë të shumtë llapjan, e sidomos ata të pikturës, kurse mbi të gjitha po i kushton vëmendje rregullimit dhe gjelbërimit të ambientit.
Kryetari i komunës së Podujevës Agim Veliu priti sot delegacionin e Mançesterit të Anglisë
