Edhe në komunën e Podujevës u mbajt testi i maturës. Këtij testi iu nënshtruan 1317 nxënës. Gjithsej kanë qenë 70 paralele, të mbikëqyrur nga 70 administrator, 70 vëzhgues dhe 4 monitorues.
Testi ishte i përbërë nga 100 pyetje, 60 % ishin nga lëndët bazike, ndërsa koha e plotësimit të testit ka qenë 180 minuta.
Provimin e maturës do ta kalojnë të gjithë ata nxënës të cilët i arrijnë 50 % të pikëve të testit, ndërsa në vlerësimin e testit nuk do të ketë poenë negativë.
Kjo njëherësh iu mundëson nxënësve që të sigurojnë 50 % të pikëve për regjistrim në universitet, derisa 20 % do të sigurohen nga suksesi i shkollës së mesme dhe 30 % nga vlerësimi i brendshëm i njësive akademike.
Drejtori i Drejtorisë Komunale të Arsimit Nexhmi Rudari tha se ky proces ka shkuar mjafte mire falë përgatitjeve paraprake që janë bërë. Ai tha se ky test është një sfidë për nxënësit. Të gjithë ata të cilët do ta kalojnë këtë test do të kenë mundësinë të aplikojnë neper Universitete të ndryshme publike dhe private.
Rezultati i testit do të publikohet me 15 qershor, nga Ministria e Arsimit Shkencës dhe Teknologjisë tha në fund z. Rudari duke përfunduar me urimin që të gjithë ata nxënës të cilët iu kanë nënshtruar testit të keni korrur suksese.
Edhe në komunën e Podujevës u mbajt testi i maturës
