Thirrjes të kryetarit të komunës së Podujevës z. Agim Veliu për të marrë pjesë në dëgjimin publik iu ka
përgjigjur një numër i madh i qytetarëve, të cilët sot morën pjesë aktive për të diskutuar rreth propozimbuxhetit të komunës për vitet 2011-2013, përkatësisht rreth planifikimit të realizimit të projekteve në të mirë të qytetarëve.
përgjigjur një numër i madh i qytetarëve, të cilët sot morën pjesë aktive për të diskutuar rreth propozimbuxhetit të komunës për vitet 2011-2013, përkatësisht rreth planifikimit të realizimit të projekteve në të mirë të qytetarëve.Debati u mbajt në Sallën e Kuvendit të komunës e cila ishte e mbushur përplot me qytetarë të interesuar.
Fillimisht këtë takim e hapi kryetari i komunës z. Veliu i cili pasi i përshëndeti të pranishmit u zotua se do të bëjmë përpjekje maksimale që tu jepen prioritet gjithmonë projekteve më tepër të rëndësishme. Z. Veliu ua rikujtoi edhe një herë qytetarëve pjesëmarrës se po mundohemi të bëjmë më të mirën e mundshme, duke i ditur kufizimet buxhetore që i ka komuna.
Më pas fjalën e mori drejtori i Drejtorisë së Buxhetit, Financave, Planifikimit dhe Zhvillimit Isuf Latifi, i cili dha një pasqyrë rreth investimeve kapitale, si dhe të menaxhimit të buxhetit komunal. Ai fillimisht u sqaroi pjesëmarrësve lidhur me rëndësinë e buxhetit, elementet e buxhetit, format e shpenzimeve, të hyrat e grandit qeveritar dhe të hyrat vetanake. Po ashtu Latifi i njoftoi të pranishmit lidhur me procedurat e përgatitjes dhe aprovimit të buxhetit komunal. “Vizioni i Komunës për të ardhmen e qytetarëve të saj është: Të zhvilloj dhe shtyj procesin e rigjenerimit të infrastrukturës dhe ekonomisë lokale, të përmirësoj ambientin dhe ta bëjë komunën një vend më të mirë për të jetuar, të përmirësoj rrethanat për komunitetin në kuptimin e sigurisë dhe shëndetit, t’i siguroj mënyrat më të mira për shtresat më të cenuara, të dëmtuarit dhe nevojtarët, të përmirësoj kualitetin e jetës nëpërmjet aktiviteteve sportive, rinore dhe kulturore etj.”, vazhdoi Latifi, duke i njoftuar më tej të pranishmit për shumën buxhetore. Ai tha se sipas kufijve fillestar buxheti i vitit 2011 duket kështu: Grandi i përgjithshëm për administratë është 5.153.607 euro, grandi specifik për arsim 5.702.466 euro, grandi specifik për shëndetësi është 1.626.102, ndërsa grandi total kap shumën prej 12.482.175 euro.
Më pastaj për pjesëmarrësit u shpërnda një fletushkë me projektet e propozuara për vitet 2011-2013, për ta pasur ata më lehtë orientimin edhe të këtij debati të sotëm.
Debati filloi duke shtruar qytetarët kërkesat e tyre për çështje të ndryshme. Kryesisht debati fokusohej te asfaltimi i rrugëve nëpër lagje të fshatrave. Kjo tregonte se përpos një numri tepër i vogël i fshatrave, të gjitha rrugët tash janë të asfaltuara dhe përqendrimi i komunës tash është thuajse te asfaltimi i rrugëve të lagjeve apo rrugëve sekondare gjithandej komunës së Podujevës. Në këtë debat ishte edhe një propozim për zgjerimin e sipërfaqes për varrezat e Qytetit, ku kryetari Veliu në lidhje me këtë tha se, sipërfaqet që i kemi planifikuar për një destinacion të tillë janë në pronësi të AKP-së, ku ne shumë shpejt për këtë gjë do të parashtrojmë një kërkesë tek ky institucion, që të na lejohen këto hapësira për shfrytëzim.
Kryetari Veliu iu premtoi qytetarëve pjesëmarrës se kërkesat e tyre do të shqyrtohen në detaje, dhe më pas propozim dokumentin final do t’ia paraqesim Komitetit për Politikë dhe Financa, për të vazhduar më tej deri në Kuvendin e Komunës.
Në dëgjimin e sotëm publik mori pjesë një numër i madh i qytetarëve
