Sot në një takim kryetari i komunës së Podujevës Agim Veliu priti drejtorin e organizatës “CHF International”, Ian Schneider me të cilin nënshkruan Memorandumin e Mirëkuptimit për bashkëpunim dhe bashkëfinancim për realizimin e projekteve të arsimit në komunën e Podujevës. Në këtë ceremoni të nënshkrimit ishte i pranishëm edhe drejtori i Drejtorisë të Arsimit Nexhmi Rudari. Kryetari Veliu shprehu gatishmërinë e plotë që edhe në të ardhmen të bashkëpunoj me këtë organizatë, sepse kjo është në interes të përfitimit të sa më shumë projekteve arsimore për komunën e Podujevës. Ai me këtë rast e falënderoi organizatën “CHF International”si impementues i këtyre projekteve, si dhe USAID-in si financues i tyre.
Në këtë takim u arrit marrëveshja e bashkëfinancimit për ndërtimin e aneksit për shkollën fillore dhe të mesme të ultë “Shaban Shala” në Podujevë. Për këtë projekt donatori do të investoj 90 mijë euro, kurse DKA-komuna e Podujevës 130 mijë euro, ku projekti në përgjithësi kap shumën prej 220 mijë euro.
Z. Rudari tha se aneksi i kësaj shkolle që do të ndërtohet do ti ketë 8 dhoma mësimi dhe 2 nyje sanitare. Ndërsa së shpejti pritet të arrihet edhe një marrëveshje tjetër për bashkëfinancim në rinovimin e shkollës së mesme teknike “Fan Noli” në Podujevë.
Kryetari Veliu shprehu gatishmërinë e plotë që edhe në të ardhmen të bashkëpunoj me këtë organizatë, sepse kjo është në interes të përfitimit të sa më shumë projekteve arsimore për komunën e Podujevës.
