Në 10-vjetorin e ndarjes nga jeta të ish-hendbollistit të KH “Llapi”, Butrint Bajrami, të dielën u organizua një ndeshje miqësore në shenjë kujtimi dhe nderimi për të.
Në këtë aktivitet përkujtimor mori pjesë edhe nënkryetari i Komunës, Fahri Restelica, i cili tha se Butrinti ishte një sportist i respektuar dhe i dashur, një emër që la gjurmë te bashkëlojtarët, te miqtë dhe te të gjithë ata që patën rastin ta njohin.
“Njerëz të tillë nuk kujtohen vetëm për atë që dhanë në fushën e sportit, por edhe për respektin, miqësinë dhe kujtimet që lanë pas”, theksoi nënkryetari Restelica.
Në këtë aktivitet përkujtimor e pranishme ishte edhe drejtoresha për Kulturë, Rini dhe Sport, Valbona Ibishi-Azemi, deputetë të Kuvendit të Kosovës, familjarë, sportistë e miq të Butrintit.
