Në Sheshin e Qytetit, është hapur panairi tradicional “Ditët e Diasporës”, i treti me radhë për këtë vit.
Ky panair, i mbështetur nga Komuna e Podujevës dhe i organizuar nga “Era Fruit”, OJQ “Begatitë e Batllavës” dhe OJQ “Leustina”, ka mbledhur gra prodhuese vendore, të cilat po prezantojnë dhe tregtojnë produkte bujqësore, produkte të qumështit, ushqime tradicionale dhe punime artizanale.
Në ceremoninë e hapjes morën pjesë edhe përfaqësues të Komunës së Podujevës, të cilët vlerësuan kontributin dhe përkushtimin e grave pjesëmarrëse, si dhe rëndësinë e promovimit dhe mbështetjes së prodhimeve vendore.
Panairi “Ditët e Diasporës” synon të promovojë potencialin prodhues dhe trashëgiminë kulturore të vendit, duke krijuar një hapësirë të veçantë për prezantimin e produkteve vendore para qytetarëve dhe bashkatdhetarëve.
Panairi do të jetë i hapur deri më datën 29 korrik 2026.
